MicroStrategy執行主席Michael Saylor 透露佢私人持有嘅Bitcoin，多達17,732枚，價值約十億美元。
Saylor喺 Bloomberg 嘅訪問中毫不保留咁講："我一個比特幣都冇賣過。" 佢甚至仲不斷買緊。
Saylor認為比特幣係頂級投資，適合個人、家庭、機構、企業甚至國家。
"我諗唔到有更好地方擺我啲錢。" Saylor補充。
佢將比特幣形容為"美國最頂尖嘅資產"。而家正值政局變動。
美國參議員Cynthia Lummis提出咗一個美國戰略比特幣儲備計劃，目標未來累積多達100萬枚比特幣。
前總統特朗普都表態支持。喺納什維爾舉行嘅Bitcoin 2024大會上，佢話："千祈唔好賣你嘅比特幣。"
Saylor都留意到政界觀念有重大轉變。"世界各地政治人物開始意識到比特幣係網絡世界最搶手資產"，佢話。
佢深信比特幣係未來，無懷疑。
Saylor最後提醒：「千祈唔好攞比特幣買咖啡或者雪糕，呢個係宇宙最值錢嘅資產。」
佢建議：長揸唔好放。