Ethereum，即市值排名第二嘅加密貨幣，正面對網絡活動顯著下滑。過去三個月，Ethereum網絡嘅新活躍地址銳減43%。呢個急劇跌幅，反映投資者參與度同網絡使用率明顯減少。
The Block 數據顯示，以太坊網絡指標有明顯波動。6月27日，新活躍地址曾升至138,620個，但到7月初已大幅跌至約89,000個。
8月期間，活躍地址數字喺80,000至95,000之間浮動。雖然月尾曾短暫回升至10萬以上，但升幅唔持久。即使近期價格有所反彈，9月24日新活躍地址仍下跌至78,100個，按月大減23.43%。目前呢個數字依然徘徊喺8萬以下。
整體活躍地址亦有減少。6月9日總活躍地址曾高見702,857個，但到9月22日已跌至574,073個，較6月高位下跌18.32%。
新活躍地址減少，往往代表用戶參與度下降，從而導致整體網絡活動及交易量減少。
IntoTheBlock數據亦支持呢個趨勢。
以太坊上大額交易總數於7月5日曾高達291萬宗，去到9月29日已跌至179萬，減幅38.4%。
雖然數據令人擔憂，但市場情報平台Santiment指，以太坊網絡活動有回升跡象。不過同時，燃氣費（Gas Fee）亦有上升。
9月25日，以太坊喺24小時去中心化交易所（DEX）交易量一度失守榜首，Solana臨時以11.23億美元奪冠，而同期香港時間以太坊交易量為11.18億美元。其後以太坊重新奪回領先地位，24小時DEX交易增至15.59億美元，升幅達11%。Solana雖然升幅達32.94%，但交易量仍低於以太坊，為12.51億美元。
呢啲波動再次突顯加密貨幣市場嘅高波幅特質。即使價錢有短期升幅，以太坊網絡活動下降，都令人關注其長線用戶參與同採納趨勢，或者如坊間傳聞，以太坊會唔會終於跣低，俾死敵Solana爬頭。要唔要真係咁，就要睇數據會唔會支持呢個假設。