Bitcoin短線持有者的供應量正以自2012年以來最快嘅每月速度減少。呢個趨勢已經引起市場分析師注意。
CryptoQuant 作者 Axel Adler Jr 最近喺社交媒體發表貼文指出呢個情況。
短線持有者（STHs）指係過去155日內買入比特幣的投資者，佢哋屬於比特幣市場其中一個群體，另一個則係長線持有者（LTHs）。
一般嚟講，持幣時間愈長，沽貨意欲就愈低。STHs 通常被視為較為波動同短線嘅投資者；相反，LTHs 就穩陣得多，他們就係傳說中既 HODLer——加密市場的中流砥柱。
STH供應量30天變化係衡量投資者行為重要指標。今年初，呢個數據曾因比特幣創新高而急升，反映大量供應由LTH轉到STH手上。
呢啲轉移喺牛市期間好常見，LTHs 通常會喺價格高位獲利，而市場炒作帶來新需求，就會吸納住呢啲拋售壓力。
但依家趨勢已經逆轉，STH供應嘅30天變化現已大跌至負數。過去一個月，STH 供應下跌約15%，係自2012年以來最低嘅一個月跌幅。
呢個跌勢未必代表LTHs向STHs買入，反而更可能係STHs持幣時間已過155日，變成LTHs 。
呢個現象反映短線投資者喺依家盤整期變得更有耐性。分析師認為 HODL 情緒高漲，對比特幣前景係利好訊號。HODLers 唔會喺大跌市時沽貨，反而睇好時會繼續吸貨。