Tether 聯合創辦人預言比特幣同以太幣後會有新 ETF。佢聲稱華爾街太過貪心，唔會停手，對加密貨幣未必係好事。
William Quigley 喺今個星期 接受 Decrypt 訪問 時表示，佢唔預期喺現貨比特幣同以太幣 ETF 獲批後，加密貨幣 ETF 熱潮會有減慢嘅趨勢。
Quigley 指出，華爾街因為「貪心」會不斷帶嚟更多同類產品。佢仲點名 Solana 及 Cardano 可能會係下一批 ETF，因為華爾街無止境咁追逐利潤。
「每次華爾街包裝一份新產品賣比消費者，如果呢產品成功，你就可以肯定會有好多跟風。假如比特幣 ETF 失敗，根本唔會有咁多 ETF 出現，」Quigley 咁講。
佢對華爾街呢班人嘅評語唔算好高，認為佢哋只係貪圖「下個最潮」產品，方便推銷比消費者。一旦大市有大幅調整，呢股熱潮就會減慢，Quigley 認為。
ETF 被視為加密貨幣發展史一個大里程碑。基本上，佢等同俾投資者唔使持有加密貨幣都可以賺比特幣錢，安全同方便程度就等如買紐約證券交易所股份。
隨住 SEC 最近嘅聲明，幾乎可以肯定以太幣 ETF 會於今個夏天獲批。宜家傳聞話 Solana ETF 都有機會成事，所以 Quigley 關於大趨勢嘅講法或許有道理。
咁 Quigley 點解咁唔鐘意 ETF 呢？
好明顯，Tether 聯合創辦人對加密貨幣被主流接納興趣不大，原因係傳統金融越嚟越多參與去中心化領域。佢其中一個問題就係當市場淡靜時——呢啲係加密貨幣市場無可避免嘅事——華爾街大戶會唔會即刻撤資。呢個風險對加密貨幣嚟講係新挑戰，而且完全捉摸唔到。
Quigley 總結話：「冇華爾街我都開心玩 Crypto」。